طريقه عمل الفينو في البيت
مقادير العيش الفينو
- نص كيلو دقيق بس
- عشان الى بيحبو يجربو فكميه قليله
- نص كيلو دقيق بيبقا 4 اكواب بالمج و عليه رشه ملح
- و ملعقه صغيره سكر
- و كيس لبن بودره
- و تلات معالق كبار زيت
- و ملعقه كبيره خميره متدوبه ف نص كوب ماء دافي
- هندوب الخميره ف الماء الدافي و نسيبها لما تفور "تنفش يعنى"
- و نجيب طبق نحط فيه الدقيق علي اللبن البودره علي الملح و السكر
- و نحط الخميره و نعجن كويس و نحط الزيت عليهم و نكمل عجن
- جنبك بئا ميه دافيه تضيفي منها شويه بشويه لحد ما العجينه تلم معاكى
- ومقدار الميه علي حسب نوع الدقيق
- سبتها تخمر
- وبعدين هنشكلها
- الاول هنقسمها كور
- و ناخد كل كوره نفردها كده
- بعد كده هنرصه فصوانى مدهونه زيت خفيف خالص
- و هنبعده شويه عن بعضيه لان بينفش
- و هندهن الوش بيض و نرش عليه سمسم ان كنتى حابه
- و نخبزه علي درجه حراره 180 اخد حوالي تلت ساعه
- كل وحده علي حسب نوع الفرن بتاعها
ملحوظه
لو عايزاه زى الصوره يكون معاكى موس حامى جديد وتشرطى الرغيف قبل ما يخمر وبالف هنا
0 Response to "طريقه عمل الفينو في البيت دى بقى للمدراس"
Post a Comment