طريقه عمل السمنة البلدي ببلاااااش في المنزل

السمنة البلدي ببلاااااشر ايوه ببلاااااااش

لانك بتشتري لبن طبعا ... انت بس جمعي الوش بتاعه واحتفظي بيه بالفريزر اتجمع حبة حلوين هتفكيها من التلج وتضربيها بالمضرب زي الصور بالظبط الاول هتكون زي الكريمة كده سايلة وبعدين تبدا تمسك وبعدين تبدء تتفرفت حتت وتسرد اللبن منها ..... مبروك كده كونتي الزبدة

بايدك لميها كورة ايوة زي الصورة واعصريها وعالحلة ورشة ملح وعالنار ... ايوه بدءت تسيح اقفي جنبها لتفور قلبي موش بتاخد ربع ساعة علطووول هتلاقي السمنة خلاص والمرتة بانت تطفي عشان المرتة ترسى تحت ... تبرد حبة تجيبي البرطمان بتاعك وتعبيها وعالتلاجة يجمد .... هتلاقي عندك احلى وانضف سمنة بلدي حاجة ببلاش كده وكمان طبق مرتة صغنون وكمان لبن تعجني بيه احلى بيتزاية او قرص او تضربيه مع اوريو وتشربي احلى اوريو فالدنيا

يمي يمي ...... خير ونعمه ربنا يديمها